బాలూలాంటి గొప్పగాయకుడికి అభిమానిగా చెప్పుకోవడానికి నేనెంతో గర్వపడతాను. ప్రతిభాపాటవాలుగల అతడు అత్యుత్తమ అవార్డులకు అన్నివిధాలా అర్హుడు. నేనెప్పుడూ అతనితో పాడించే అవకాశం కోసం ఎదురుచూస్తూ వుంటాను.

- నౌషద్ ఆలీ

బాలూగారి టాలెంట్ చూస్తే నాకు ఈర్ష్య కలుగుతుంది. ఎంత ఈర్ష్యకలవాడైనా అతడి బహుముఖప్రజ్ఞకు తలొగ్గక తప్పదు. శత్రువునికూడా మిత్రుడిగా చూసుకోగల ప్రతిభావవంతుడైన కళాకారుడు.

- కమల్‌హాసన్

బాలూ పేరు తలచుకొంటేనే చలువచందనాలపూత, మలయసమీరం గుర్తుకొస్తాయి. పాట వ్రాస్తున్ననప్పుడు బాలూగారు ఏమంటారోనని ఊహించడం, ఆయన మెచ్చుకుంటే చాలు అని కోరుకోవడం, మంచి ప్రయోగం చేసినప్పుడు ఆయన ప్రతిస్పందనకోసం ఎదురుచూడటం నా అనుభవంలో నిత్యఘట్టాలు.

- సామవేదం షణ్ముఖశర్మ

సంగీతం, సంస్కారం, ఉత్తమవ్యక్తిత్వం నిండివున్న స్వరభాస్కరునికి 'సంస్కృతి' సమర్పిస్తున్న అక్షరనివాళి.