విశ్వవ్యాప్తంగా అనన్య ప్రచారం పొందిన రచనల్లో ఉమర్ ఖయ్యాం రుబాయీలు చెప్పుకోదగ్గది. పారశీ నుండి నేరుగా తెలుగులోకి అనువదించి అచ్చమైన తెలుగు కావ్యంగా, ఖయ్యామును మౌలికంగా అర్థం చేసుకున్నదిగా నిలిచిపోయే రచన రామిరెడ్డి పానశాల.

దువ్వాూం రామిరెడ్డి నవ్యులలో సంప్రదాయవాది; సంప్రదాయవాదులలో నవ్యుడు. బాధ్యతనెరిగిన స్వేద్భావాది. కవి స్వాతంత్ర్యాన్ని బలపరిచిన బాధ్యతావాది. పండితాధిక్యతా వాతావరణంలో ఉండి కూడా ఆధునికతను స్వాగతించిన ధీమంతుడు.

తెలుగు సాహిత్యంలో కవికోకిల బిరుదాంకితులు పలువురున్నా అ బిరుదు రామిరెడ్డికే మారుపేరయింది. ఆధునిక తెలుగు సాహిత్యంలో రామిరెడ్డి స్థానం అద్వితీయం.